احمد
عاشور پور، 1491
گالشی سال (18 بهمن 1296 هجری قمری)،
غازيان مئن به
دونیا بامو. خو کشاورزیه موهندسی دانشگاه کرج جا اَگیت و هو تحصیل زمات
خوانندگی آغاز کود. 22 سال داشت کی موسئقیيه سراگيته. اين ِ کار، شرقی
اوروپا موسئقی جی پور تاثير بئيته دأنه و خو سبک مئن، والس ِ ريتم جی
نی استفاده بئوده دأنه.
اون خو خاندنه، دبيرستان ِ
زمات، انزلی مئن سراگيته و وختی کرج ِ کشاورزی دانشکده مئن چنتا گيلکی
ترانه بخانده، يهته اين ِ همکلاسیئن اونه پيشنهاد بدأ کی راديو مئن
ترانه بخانی. او زمات، راديو تازه ايران ِ مئن را دکته بو. آشورپور،
صبا امره آشنا بونه و صبا اين ِ صدا آزمايش کؤنه و اينه خوش انه و اونه
موعرفی کؤنه راديو. آشورپور ِ صدا، اوّلبار، سال 1517 (گالشی) راديو
جی پخشأ بونه. آشورپور ِ همکاری راديو امره، دوتا دؤره إذنه: يهته
1520 تا 1522 و اويهته 1531 جی تا 1533.
آشورپور،
پهلوی
حوکومت ِ امره نی ميانه خوبی نداشت و انقلاب ِ پسیام، چون تازه حوکومت
موسئقی امره زياد خُب نبو، يهته ديمه بنيشته و تام بزه.
آشورپور،
گيلکی خانندهئن مئن همه کس ِ جی قديمیتره و اوّلکس بو کی گيلان ِ
محلّی آهنگؤن و ترانهٰئنه بخانده.اون حودود ِ 60 تا آهنگ ضبط بئوده
دأنه کی اوشؤن ِ شئر و آهنگه، ويشتر خودش بساته.
1578، رشت مئن، اوستاد
آشورپور،
نکيسا گوروه
امره بوشؤ صحنه سر و
بابک ربوخه
(نکيسا گوروه ِ سرپرست) امره هنده خو آهنگؤنه مردوم ِ ره بخانده.
سراخر، وختی کی دو ما بو کی
کوهولت ِ سند و سال و ريه عوفونت کودن ِ واسیجم ِ بيمارستان ِ
خوته بو، 1581 شرير ما هشتم، هو بيمارستان ِ مئن بمورده.
آشورپور، فارسی ويکيپديا مئن